НАЦИОНАЛЬНЫЙ УНИВЕРСИТЕТ - РАЦИОНАЛЬНЫЙ ВЫБОР

1928 жылы негізі қаланған Абай атындағы ҚазҰПУ - экономиканың барлық салалары үшін мұғалімдер мен ғылыми кадрлар даярлайтын еліміздің жетекші жоғары оқу орны. Білім берудің жоғары сапасы, Республикамыздағы үздік 10 университеттің ішіндегі мақтауға тұрарлық орны, педагогикалық университеттердің көрсеткіштері бойынша бірінші орында тұруы еңбек нарығында өз орнын табуға қабілетті, жоғары білікті мамандар дайындауда маңызды міндеттерді дұрыс қоюға және оны дұрыс шешуге мүмкіндік береді. Олар ертеңгі күнгі Қазақстанның әрі қарай дамуының стратегиясын анықтайды, оның әрі қарай тарихын жазады және Республикамызды әлемдік қауымдастықта танытады.
Басты міндет-бәсекеге қабілетті, прогрессивті ойлайтын, өзіне және қоғамға шығармашылық-жасампаздық қарым-қатынасы бар жаңа формациядағы педагогикалық кадрларды сапалы даярлау. Университет ұсынатын білім беру қызметтерінің сапасын бағалаудың танымал әдістерінің бірі институционалдық және мамандандырылған (бағдарламалық) аккредиттеу, халықаралық байланыстар болып табылады.
Университет шетелдік (ASIIN, Германия, ACGUIN (Германия), сондай-ақ қазақстандық аккредиттеу органдарымен (АРТА, БСҚА) ынтымақтастықта. 2012-2016 жылдар аралығында ASIIN және ACGUIN агенттіктері педагогика саласындағы бакалавриат және магистратураның 21 білім беру бағдарламасын аккредитациялады. 40 білім беру бағдарламасы қазақстандық аккредиттеу агенттіктерімен аккредиттелген, оның 18-і АРТА және 22-сі БСҚА-да аккредитациядан өтті.
2019/2020 оқу жылының басындағы жағдай бойынша ақпарат берер болсақ, университеттің 61 білім беру бағдарламаласы (31 бакалавриат, 24 магистратура және 6 докторантура) аккредиттелді, бұл жалпы білім беру бағдарламаларының 41% -ын құрайды. Барлық алынған сертификаттар сайтта жарияланған.