2023 жылғы 13 қарашада Педагогика және психология институтында мектепке дейінгі білім беру саласындағы танымал ресейлік ғалымдармен бірлескен көшпелі білім беру сессиясы өтті. Сессия тақырыбы – «Мектепке дейінгі балалық шақ – ересектерге арналған сын-қатер».

Лекторлар: Игорь Шиян – МГПУ қалалықтану және жаһандық білім беру ғылыми-зерттеу институтының бала дамуы зертханасының меңгерушісі, негізгі зерттеу бағыттары – ересектердің дамуы және білім сапасын бағалау; және Ольга Шиян – аталған жоғары оқу орнының доценті, балалар мен ересектердің диалектикалық ойлауын, сондай-ақ ECERS-R халықаралық шкалаларын қолдана отырып, мектепке дейінгі білім сапасын зерттеумен айналысады.

Білім беру сессиясына мектепке дейінгі білім беру және әлеуметтік педагогика кафедрасының оқытушылары, докторанттары мен магистранттары қатысты.

Сессия мазмұнды әрі шығармашылық атмосферада өтті. Қатысушылар көтерілген мәселелердің жаңашылдығын, өзектілігін, практикалық және әдістемелік маңыздылығын ерекше атап өтті.