Abai University тұрақты даму және қоршаған ортаны қорғау саласындағы университеттердің күш-жігерін бағалайтын UI GreenMetric World University халықаралық рейтингіне белсенді қатысуда.
UI GreenMetric World University рейтингі – Индонезия университеті негізін қалаған, дүние жүзіндегі университеттердің экологиялық тұрақтылығын бағалауға бағытталған алғашқы бастамасы.

Абай атындағы ҚазҰПУ рейтингке қатысуының негізгі мақсаты университеттің экожүйесін және жалпы қоршаған ортаны жақсартуға ықпал ететін бағдарламалар мен тәжірибелерді әзірлеу және енгізу болып табылады. Академиялық қоғамдастықта тұрақты даму мәдениетін қалыптастыру нақты қадамдар арқылы жаһандық экологиялық мәселелерді шешуге үлес қосуға мүмкіндік береді.

Университет алты негізгі аспект бойынша Бағдарламаларды жүзеге асырады:
• 1. Инфрақұрылым: жасыл аймақтарды, ғимараттардың энергия тиімділігін және басқа да экологиялық таза технологияларды бағалау.
• 2. Энергетикалық тиімділік: баламалы энергия көздерін пайдалану және көміртегі ізін азайту.
• 3. Қалдықтарды басқару: қайта өңдеу жүйелері, қалдықтарды азайту және кәдеге жарату бағдарламалары.
• 4. Су: су ресурстарын басқару, тазарту технологиялары және жаңбыр суын пайдалану.
• 5. Көлік: студенттер мен қызметкерлер үшін экологиялық таза көліктің болуы.
• 6. Білім беру және зерттеу: тұрақтылық тақырыптарын оқу бағдарламалары мен зерттеулерге біріктіру.

Осылайша, Абай атындағы ҚазҰПУ тұрақты даму саясатын қолдай отырып, тұрақты даму қағидаттарына адалдығын көрсетеді және оқуға, зерттеуге, өмір сүруге және жалпы өмір сүру сапасына қолайлы бірегей жасыл экожүйені құруға ұмтылады.

Abai University жыл сайын UI GreenMetric World University рейтингіне қатыса келе озық тәжірибені енгізе отырып, қоршаған ортаны қорғау саясатын жақсарту бойынша белсенді түрде өз позициясын кезең-кезеңімен жақсартуға ұмтылуда.