Абай атындағы ҚазҰПУ педагогика кафедрасы 2023 жылдың 3 қарашасында университеттің, кафедраның және көрнекті қазақстандық ғалым, педагогика ғылымдарының докторы, профессор Хмель Надежда Дмитриевнаның 95 жылдығына арналған «Педагогика ғылымы мен білімнің әдіснамасы мен практикасы» тақырыбында халықаралық дөңгелек үстел өткізді.
Іс-шараны университет ректоры Б.А. Тлеп ашты. Зерттеу қызметі және инновациялар жөніндегі проректор Е. А. Бөрібаев, Педагогика және психология институтының директоры Г. А. Абаева құттықтау сөз сөйледі.
Педагогика кафедрасының Қазақстанның педагогикалық ғылымы мен білімін дамытудың эпицентрі ретіндегі тарихын кафедра меңгерушісі Шолпан Колумбаева айтып берді. Профессор Н.Д. Хмель мен оның ғылыми мектебінің еліміздің педагогикалық білім берудегі инновациялық дамуына қосқан үлесі туралы баяндаманы Абай атындағы ҚазҰПУ профессоры Наталья Хан баяндады.
Дөңгелек үстел онлайн және оффлайн форматта өтті. Бұл іс-шарада шетелдік қонақтарға педагогика ғылымы мен педагогтың кәсіби қызметінің даму перспективалары мен әдіснамалық мәселелерінің өзекті мәселелерін онлайн фоматта баяндауға мүмкіндік берді (Илларионова Л. П., профессор, педагогикалық білім берудің Халықаралық Ғылым академиясы академигі, «Ресей Мемлекеттік әлеуметтік университеті» Жоғары білім берудің федералды мемлекеттік бюджеттік білім беру мекемесі, Ресей, Мәскеу; Дроботенко Ю.Б., доцент, педагогика кафедрасының меңгерушісі, Омбы мемлекеттік педагогикалық университеті, Ресей, Омбы; Егорова Ю.Н., педагогикалық білім беру орталығы бастығының орынбасары, Максим Танк атындағы Беларусь мемлекеттік педагогикалық университеті, Беларусь, Минск қ.; Сулайманова Р.Т., Жүсіп Баласағұн атындағы Қырғыз ұлттық университетінің И.Ш. Исамидинов атындағы педагогикалық кадрларды нысаналы даярлау институтының директоры, Қырғызстан, Бішкек қ.).
Пленарлық отырыста белгілі қазақстандық ғалымдар педагогика мен психология әдіснамасының өзекті мәселелерін бойынша мазмұнды баяндамалар жасады (Таубаева Ш.Т., Әл Фараби атындағы ҚазҰУ профессоры, Намазбаева Ж. И., профессор, Caspian University «Тұлғалық-кәсіби өсу» орталығының директоры, Әділғазинов Г. З., профессор, С. Сейфуллин атындағы ҚазАТЗУ сапа комитетінің бас менеджері, Длимбетова Ғ. К., Гумилев атындағы ЕҰУ профессоры).
Халықаралық дөңгелек үстел белгілі ғалымдарға, п.ғ.д., профессор Хмель Надежда Дмитриевнаның шәкірттеріне бірігіп, білім беру жүйесін дамыту және инновациялық идеяларды тұтас педагогикалық үдеріске енгізу мәселелерінде 95 жыл бойы қалыптасқан ұрпақтар сабақтастығын көрсетуге мүмкіндік берді.
