2024 жылғы 11 сәуірде Ғылым онкүндігі аясында Педагогика және мұғалімдерді даярлау бойынша ЮНЕСКО кафедрасы Өнер, мәдениет және спорт институтының профессор-оқытушылар құрамы мен студенттеріне арналған семинар өткізді.

Кафедра меңгерушісі Ж.Т.Тілекова «Абай атындағы ҚазҰПУ-да тұрақты даму саласындағы саясатты жүзеге асыру» тақырыбында баяндама жасап, ЮНЕСКО кафедрасының тарихы, мақсаттары мен қызмет түрлеріне кеңінен тоқталды.

Спикер ЮНЕСКО-ның 17 Тұрақты даму мақсаттары туралы жан-жақты ақпарат беріп, олардың ішінде №3 мақсат – "Салауатты өмір салты мен әл-ауқатты қамтамасыз ету" мәселесіне ерекше назар аударды.

Ж.Т.Тілекова профессор-оқытушылар құрамын және студенттерді университет пен институт аясында Тұрақты даму мақсаттарын іске асыруға белсенді атсалысуға шақырды. Атап айтқанда:

- Студенттер арасында салауатты өмір салты мен әл-ауқатты нығайтуға бағытталған ақпараттық-ағартушылық бағдарламалар мен жобаларды әзірлеп, жүзеге асыру (гигиена, дұрыс тамақтану, отбасыны жоспарлау, спорт, дене шынықтыру; ұлттық дәстүрлер мен қазіргі заманғы тәжірибені зерттеу арқылы денсаулық, амандық және ұзақ өмірді насихаттау);

- Кампус аумағында темекі түтінінен таза кеңістік құру;

- Қоғам мүшелерінің барлығына қолжетімді әрі пайдалы тағам түрлерін (соның ішінде вегандық тағамдарды) қамтитын дұрыс тамақтану бағдарламаларын әзірлеп, іске асыру.