Абай атындағы ҚазҰПУ-де ҚР БҒМ ғылыми жобасы – «Көркемдік білім берудегі дәстүрлі және заманауи ұлттық өнердегі экодизайнның эволюциясы» (№АР08053283) аясында 2021 жылғы 30 сәуірде «Табиғи материалдар арқылы сәндік-қолданбалы өнердің қазіргі дамуы көркемдік білім беру саласында» тақырыбында халықаралық дөңгелек үстел өтті. Іс-шара онлайн форматта ұйымдастырылды.
Кіріспе сөзді ғылыми жобаның жетекшісі, Абай атындағы ҚазҰПУ-дың қауымдастырылған профессоры Ақмарал Сманова сөйледі.
Жобаның шетелдік кеңесшісі, Акдениз университетінің (Түркия) PhD докторы, доцент Рамазан Ердем «Дизайнерлерге арналған смарт-тоқыма материалдары» тақырыбында баяндама жасады. Сол университеттің PhD докторы, доцент м.а. Мариям Нехир Езиева «Апсайклинг: сән индустриясындағы этикалық және экологиялық мәселелер» тақырыбында баяндама жасады.
Дөңгелек үстелдің баяндамашылары: ғылыми жобаның қос жетекшісі, аға оқытушы Бекболатова К.М. – «Табиғи материалдармен жұмыс істейтін шеберлердің шығармашылық мектебін іздеу»; жоба қатысушысы, қауымдастырылған профессор м.а. Жанар Небесбаева – «Өнер. Әлемде болып жатқан оқиғалар» және оқытушы, жобаның орындаушысы Ақмарал Ермаханбетова – «Жобаның табиғи материалдармен жұмыс істейтін мүшелерінің шығармашылық жұмыстары».
Дөңгелек үстелдің қорытындысын жоба бойынша ғылыми қызметкер, доцент, профессор С.А. Жиренов жасады. Ол аталған іс-шараның көркемдік білім мен өнерді дамытудағы маңыздылығын атап өтті.