Математика, физика және информатика институтының «6В06102 - Ақпараттық жүйелер» білім беру бағдарламасының 3 курс студенті Нұрмұхамедова Диана волейболдан Абай атындағы ҚазҰПУ әйелдер құрамасының сапында үздік ойыншысы деп танылып, дипломмен марапатталды. 2023 жылдың 14-20 сәуірі аралығында Түркістан қаласындағы Қожа Ахмет Ясауи атындағы Халықаралық қазақ-түрік университетінде жоғары оқу орындарының әйелдер командалары арасында волейболдан студенттік спорт лигасы өтті.

Диана бірінші курстан бастап өте жақсы оқиды. Сонымен қатар мектеп қабырғасынан бері жақсы көретін волейболдан үздік нәтиже көрсетуде.