2021 жылдың 15 қарашасында университеттің Педагогикалық цикл пәндері кафедрасы (Педагогика кафедрасы) «Цифрлық технология – сапалы білім берудің негізі» (MS Teams)» атты жалпы университеттік ғылыми-әдістемелік онлайн семинарын өткізді.
Баяндамашы, PhD докторы Ибраева Мағрипа қатысушыларға MS Teams платформасы, оның сипаттамалары, оқу процесінде пайдалану формалары мен әдістері туралы қызықты материал ұсынды. Ибраева М.Қ. MS Teams пайдаланушылары үшін егжей-тегжейлі нұсқаулар әзірледі және пайдалы материалдармен бөлісті.
Талқылау барысында студенттер мен мұғалімдердің іс-әрекетін қадағалау, бейнематериалдар, презентациялар көрсету мүмкіндігі сияқты MS Teams құрамдастарына басты назар аударылды. Сондай-ақ Интернетке қатысты MS Teams-ті пайдаланудың проблемалары туралы пікірталас болды.
Семинарға Абай атындағы ҚазҰПУ-дың ғалымдары мен оқытушылары, докторанттар, магистранттар мен студенттер қатысты.