«Абай атындағы Қазақ ұлттық педагогикалық университеті» КЕАҚ бойынша қызметі 2020-2021 оқу жылы

«Абай атындағы ҚазҰПУ» КЕАҚ ТДМ міндеттеріне қол жеткізу және іске асыру «Абай атындағы ҚазҰПУ» КЕАҚ Тұрақты даму саласындағы саясаты негізінде 5 бағыт бойынша жүзеге асырылады: «адамдар» (барлық нысандардағы кедейлік пен аштықты жою және лайықты өмірге тең қол жеткізуді қамтамасыз ету), «планета» (болашақ ұрпақ үшін планетамыздың климаты мен табиғи ресурстарын қорғау), «өркендеу» (табиғатпен үйлесімділікте өркендеуді және толыққанды өмір сүруді қамтамасыз ету), «бейбітшілік» (бейбіт, әділ және инклюзивті қоғамдастықтар құруға жәрдемдесу), «серіктестік» (тұрақты жаһандық ынтымақтастық арқылы күн тәртібін іске асыру).

«Абай атындағы ҚазҰПУ» 1-ТДМ – кедейлікті жою – «адамдар» бағыты аясында жүзеге асырылады. 2020-2021 жылдары осы бағытта:

Халықтың әлеуметтік тұрғыдан осал топтарының ішінен 1237 студентке оқуға жеңілдіктер (10%-дан 100% - ға дейін жеңілдіктер) берілді: тегін оқу мүмкіндігін: 17 жетім студент, ерекше білім берілуіне қажеттілігі бар 24 студент, халықтың әлеуметтік осал топтарынан 1020 студент алды.

– 33 жетімге тамақтану мәселелері бойынша қаржылық өтемақы тағайындалды;

– 11 жетім балаға университет жатақханаларында тегін тұру мүмкіндігі берілді;

– 13 жетім түлекке ақшалай өтемақы және біржолғы жәрдемақы төленді;

«Абай атындағы ҚазҰПУ» педагогика мен білім саласына тікелей қатысы бар университет ретінде азаматтардың өмір бойы білім алуына ықпал етеді. Осыған орай Abai University «Күміс университеті» – ересек тұрғындарды оқытуға арналған білім беру кеңістігі құрылды: компьютерлік сауаттылық және IT дағдылары курстары, өнер курстары, тіл курстары, түрлі қолөнер әдістері, фитнес, би, психологиялық-педагогикалық мектеп, қаржылық сауаттылық негіздері және т.б

Күміс университеті аясында өнер курстары, түрлі қолөнер техникасы, фитнес және би курстары өткізілді.

2020/2021 оқу жылында Абай университетінің профессорлық-оқытушылық құрамының педагогикалық және ғылыми-зерттеу құзыреттілігін арттыру бойынша жұмыстар жүргізілді:
• «Цифрлық мұғалім» жазғы онлайн мектебі, университеттің 730 оқытушысы, Алматы қаласы мектептерінің 60 мұғалімі оқытылды;
• Жазғы мектеп: «Жоғары педагогикалық білім беру тәжірибесі мен мәселелері», 1047 қатысушы;
• Қысқы мектеп: «Қашықтықтан оқыту форматындағы педагогикалық білім беру», 1127 қатысушы.
• Абай атындағы ҚазҰПУ Біліктілікті арттыру орталығы ұйымдастырған «Қысқы мектеп-2021» жұмысына ЮНЕСКО сарапшылары қашықтықтан оқытуды енгізу бойынша тренингке қатысты.

Кедейлікті жаппай жою жөніндегі әрбір адам мен елдің алдында тұрған міндеттер:
• Ұлттық анықтамаларға сәйкес, 2030 жылға қарай кедейлікте өмір сүретін барлық жастағы ерлердің, әйел- дің және балалардың үлесін кем дегенде жартысына қысқарту.
• 2030 жылға қарай барлық ерлер мен әйелдердің, әсіресе тұрмысы төмен және осал адамдардың экономикалық ресурстарға тең құқықтары болуын, сондай-ақ негізгі қызметтерге, жер иелену мен билік етуге және меншіктің басқа да нысандарына, мұраға қалдырылған мүлікке, табиғи ресурстарға, тиісті жаңа технологиялар мен қаржылық қызметтерге, микроқаржыландыруды қоса алғанда, қол жеткізуін қамтамасыз ету.
• 2030 жылға қарай кедейлер мен осал жағдайдағы адамдардың өмірге төзімділігін жақсарту және климаттың өзгеруінен туындаған төтенше құбылыстар мен басқа да экономикалық, әлеуметтік және экологиялық күйзелістер мен апаттарға олардың қауіпсіздігі мен осалдығын азайту.
• Дамушы елдерге, әсіресе неғұрлым аз дамыған елдерге кедейлікті жою жөніндегі бағдарламалар мен стратегияларды оның барлық нысандарында жүзеге асыру үшін жеткілікті және болжамды құралдар беру үшін әртүрлі көздерден, оның ішінде даму мақсатындағы ынтымақтастықты жандандыру негізінде елеулі ресурстарды жұмылдыруды қамтамасыз ету.
• Кедейлікті жою жөніндегі іс-шараларға жедел инвестициялауға жәрдемдесу үшін ұлттық, аймақтық және халықаралық деңгейлерде кедейлердің мүдделері мен гендерлік аспектілерді ескеретін даму стратегиялары негізге алынатын сенімді стратегиялық тетіктерді құру.

Дереккөз: https://www.un.org/sustainabledevelopment/ru/poverty/

Қазіргі уақытта «... шеткі кедейлік күніне 1,25 доллардан аз күнкөріс ретінде анықталады» [Дереккөз: Қазақстан Республикасы Стратегиялық жоспарлау және реформалар жөніндегі агенттігінің Ұлттық статистика бюросы – https://stat.gov.kz/for_users/sustainable_development_goals/goal_01_no_poverty]

Біріккен Ұлттар Ұйымы (БҰҰ) халықтың қаржылық жағынан әлсіз топтарына қолдау көрсету үшін COVID-19 дағдарысына жауап ретінде жедел әлеуметтік-экономикалық шаралар қабылдау үшін негіздемелік бағдарлама шығарды.

Осы бағдарламаның материалдарымен сілтеме бойынша танысуға болады.

Дереккөз: https://unsdg.un.org/sites/default/files/2020-07/RU_UN-Framework-immediate-SE-response-to-COVID.pdf

Сондай-ақ, БҰҰ кедейліктің барлық формаларында жойылуының себептері туралы түсініктеме дайындады: "көптеген себептер бар, бірақ егер біз жалпы қорытынды жасасақ, онда барлық адамдардың әл-ауқаты өзара байланысты.

Теңсіздіктің артуы экономикалық өсуге зиянын тигізеді және қоғамдық келісімді бұзады, саяси және әлеуметтік шиеленістерді күшейтеді және кейбір жағдайларда тұрақсыздық пен қақтығыстарды тудырады».

Құжаттың толық мәтінімен сілтеме арқылы танысуға болады: https://www.un.org/ru/development/devagenda/pdf/Russian_Why_it_matters_Goal_1_Poverty.pdf